MƏDƏNİYYƏT


Milli Konservatoriyanın tələbəsi İtaliyada uğur qazanıb

Bakı, 4 iyul, AZƏRTAC

Azərbaycan Milli Konservatoriyasının ifaçılıq (xalq çalğı alətləri - balaban) fakültəsinin birinci kurs tələbəsi Ramin Pələngov İtaliyada “Testene Art San Marino” beynəlxalq musiqi müsabiqəsinin qalibi olub.

Konservatoriyadan AZƏRTAC-a bildirilib ki, Ramin Pələngov 20-dək ölkənin təmsil olunduğu müsabiqədə Azərbaycan xalq mahnısı “Sarı gəlin”i və İtaliyanın “O Sole Mio” mahnısını ifa edib. Birinci yerə layiq görülən Ramin Pələngov müsabiqənin kuboku ilə mükafatlandırılıb.

İyulun 4-də Azərbaycan Milli Konservatoriyasının rektoru, professor Siyavuş Kərimi Ramin Pələngovu təbrik edib. Bildirib ki, milli musiqinin təbliğində bu səpkili uğurların böyük əhəmiyyəti var. Konservatoriyanın istedadlı tələbələrinin dünya musiqisində mükafatlandırılması ölkəmiz üçün böyük nailiyyətdir. Tələbələrin bu yöndə inkişafı və dünya mədəniyyətində qabiliyyətlərini nümayiş etdirməsi üçün konservatoriya hər cür dəstək göstərməyə hazırdır.

Qeyd edək ki, müsabiqə iştirakçıları layihə çərçivəsində İtaliyanın Florensiya və Venesiya şəhərlərinə gedərək İtaliya mədəniyyəti ilə daha yaxından tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.