SİYASƏT


Milli Qurtuluş Günü Azərbaycanın Batumidəki baş konsulluğunda qeyd olunub

Tbilisi, 15 iyun, AZƏRTAC

Azərbaycanın Batumidəki baş konsulluğunda 15 iyun - Milli Qurtuluş Günü münasibətilə tədbir keçirilib.

Azərbaycanın Batumi şəhərindəki baş konsulu Rəşad İsmayılov bayram münasibətilə Batumi Dövlət Universitetinin beynəlxalq hüquq və beynəlxalq münasibətlər fakültələrinin müəllim və tələbələri ilə görüşüb.

Baş konsul onlara Milli Qurtuluş Gününün əhəmiyyəti, ümummilli lider Heydər Əliyevin müasir Azərbaycan dövlətinin tarixindəki parlaq ictimai-siyasi fəaliyyəti barədə məlumat verib.

Ulu Öndərin Azərbaycan-Gürcüstan əlaqələrinin inkişafındakı xidmətlərindən danışan diplomat deyib ki, ölkələrimiz arasındakı dostluq münasibətlərinin inkişafı 1994-cü ildə Heydər Əliyevin Gürcüstana tarixi səfəri ilə başlayıb. Böyük tarixi əhəmiyyətə malik olan bu səfər ölkələrimiz arasında münasibətlərin daha da möhkəmlənməsinə və inkişafına təkan verib.

Tədbirdə ümummilli lider Heydər Əliyevin həyat və dövlətçilik fəaliyyətinə həsr olunmuş sənədli film nümayiş etdirilib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.