İDMAN


Millimiz Valentin Qranatkinin xatirə turnirində ilk oyununu keçirib

Bakı, 9 yanvar, AZƏRTAC 

Azərbaycanı təmsil edən 19 yaşadək futbolçulardan ibarət milli komanda yanvarın 9-da FIFA-nın I vitse-prezidenti Valentin Qranatkinin xatirəsinə həsr olunmuş XXIX ənənəvi beynəlxalq turnirdə ilk oyununa çıxıb.

AZƏRTAC xəbər verir ki, rəqib Litvanın eyni yaş qrupuna aid komandası olub.

Qarşılaşma Litva yığmasının 2:1 hesablı qələbəsi ilə başa çatıb. Təbriz Həsənovun rəhbərlik etdiyi komandanın heyətində yeganə qolu 55-ci dəqiqədə Doğukan Öksüz vurub. Oyunun son dəqiqələrində Azərbaycan yığması rəqib qapısına yol tapsa da, baş hakim kobudluq qeydə alıb və qolu saymayıb.

Qeyd edək ki, yığmamız qrupda növbəti görüşünü yanvarın 11-də Qazaxıstana qarşı keçirəcək. Yanvarın 13-də isə millimizə rəqib Slovakiya yığması olacaq. Dörd qrupda ilk iki yeri tutan komandalar dörddəbir finala adlarını yazdıracaqlar. Sonrakı iki pillənin sahibləri isə 9-16-cı yerlər uğrunda mübarizə aparacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.