MƏDƏNİYYƏT


”Min möhtəşəm günəş” adlı ikihissəli dram nümayiş olunacaq

Bakı, 6 iyun, AZƏRTAC

İyunun 7-də Azərbaycan teatrı tarixində ilk dəfə olaraq C.Cabbarlı adına İrəvan Dövlət Azərbaycan Dram Teatrının quruluşunda görkəmli əfqan yazıçısı Xalid Hüseyninin bestselleri əsasında səhnələşdirilən “Min möhtəşəm günəş” adlı ikihissəli dramı oynanılacaq.

Teatrdan AZƏRTAC-a bildirilib ki, layihənin rəhbəri və tamaşanın quruluşçu rejissoru Elvin Mirzəyev, bəstəkarı Əməkdar İncəsənət Xadimi Cavanşir Quliyev, rəssamı Məhsəti Eldarovadır.

Əsər Əfqanıstan müharibəsinin qurbanı olmuş iki qadının həyat hekayəsi fonunda mövcudluq uğrunda, cəmiyyətlə, həyatla dramatik savaşıdır. Rollarda Əməkdar Artist Vaqif Kərimov, aktyorlar Əjdər Zeynalov, Nigar Mirzəyeva, Məryəm Qələndərova, Səmayə İsmayılova, Əhliman Ərşadlı, Natiq Həziyev, Niyaməddin Səfərəliyev və başqaları çıxış edəcəklər.

Tamaşa S.Vurğun adına Azərbaycan Dövlət Rus Dram Teatrının səhnəsində təqdim olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.