REGİONLAR


Mingəçevirdə uşaq bağçaları arasında keçirilən “Şən startlar” yarışı başa çatıb

Mingəçevir, 3 dekabr, Şahnəzər Bəşirov, AZƏRTAC

Mingəçevir şəhər Gənclər və İdman İdarəsinin təşkilatçılığı ilə keçirilən “Şən startlar” idman yarışı başa çatıb.

AZƏRTAC xəbər verir ki, Mingəçevir şəhərində fəaliyyət göstərən məktəbəqədər tərbiyə müəssisələrinin yuxarı yaş (2011-2012-ci il) qruplarındakı uşaqlar arasında təşkil edilən “Şən startlar” idman yarışının keçirilməsində əsas məqsəd uşaqların bir-biri ilə dostluq əlaqələrinin gücləndirilməsi, fiziki güc və bacarıqlarının nümayiş etdirilməsi və cəmiyyətdə sağlam vətəndaş kimi formalaşmasına stimul vermək olub.

Yarışda şəhərin 21 məktəbəqədər tərbiyə müəssisəsi 5 yarımqrupda, hər biri 5 idmançı ilə mübarizə aparıb. Əsasnaməyə uyğun olaraq beş ayrı-ayrı idman növlərində güclərini sınayan azyaşlılar yarımfinal mərhələsinə vəsiqə qazanmaq üçün yarışıblar. Final görüşündə daha güclü olan 10 saylı uşaq bağçası I yer, 1 saylı uşaq bağçası II yer, 6 saylı uşaq bağçası III yeri tutublar.

Komandalara şəhər gənclər və idman idarəsinin fəxri fərman və hədiyyələri təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.