DÜNYA


Misir kompensasiya ödənilməsinin mümkünlüyünü inkar edib

Praqa, 11 avqust, AZƏRTAC

Misir hökuməti Xurqadada otelin qonaqlarına hücum edilərkən ağır yaralanmış və sonradan vəfat etmiş Çexiya vətəndaşının ailəsinə maliyyə kompensasiyası ödənilməsinə etiraz edir.

AZƏRTAC bildirir ki, Çexiyanın xarici işlər naziri Lubomir Zaoralyokun fikrincə, Misir tərəfi presedent yaranmasından ehtiyat edir. Çexiya XİN rəhbəri vurğulayıb: “Bununla belə, onlar həlak olanların qohumlarının ünvanına bir jest etmək istəyirlər. Bu jestin nədən ibarət olacağı yalnız onlardan asılıdır”.

Xatırladaq ki, iyulun 14-də əlində bıçaq olan bir kişi Xurqadada ictimai çimərliyin ərazisindən sahil boyunca oteldəki çimərliyə gəlib buradakı turistlərə hücum edib. Sonradan məlum olub ki, həmin şəxs “İslam dövləti” terrorçu qruplaşmanın tərəfdarı imiş.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.