DÜNYA


Misirdə neft məhsullarının qiyməti 30-47 faiz artıb

A+ A

Bakı, 4 noyabr, Nihad Budaqov, AZƏRTAC

Misirdə neft məhsullarının qiyməti 30-47 faiz artıb.

Misir hökumətinin neft məhsullarına dövlət tərəfindən tətbiq olunan subsidiyaları ləğv edəcəyi, benzin və mazut kimi neft məhsullarının artan qiymətlərlə satılacağı bildirilir.

AZƏRTAC Misirin “Əl Ahram” qəzetinə istinadla xəbər verir ki, hökumət neft məhsullarının qiymətini 30-47 faiz nisbətində artırmağa qərar verib. Ölkədəki neft stansiyaları və yanacaqdoldurma məntəqələri yeni qiymətləri tətbiq etməyə başlayacaq.

Yeni qərarla benzinin qiyməti 2,6 Misir funtundan 3,5-ə, mazutun qiyməti 1,8-dən 2,35-ə, 1,6 funta olan 80 oktanlı benzinin qiyməti isə 2,85-ə yüksəlib.

Qeyd edək ki, ötən gün Misir Mərkəzi Bankı sabit məzənnə siyasətindən imtina edərək Misir funtu üzrə “üzən məzənnə” siyasətini tətbiq edib və faiz dərəcəsini 3 faiz artıraraq 14,75-ə yüksəldib. Bu qərarın ardından Misir funtu ABŞ dollarına qarşı üçdə bir nisbətində dəyər itirib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.