DÜNYA


Misirin hakimiyyət orqanları 21 internet saytını bloklayıblar

Qahirə, 25 may, AZƏRTAC 

Misir KİV-lərinin verdiyi məlumata görə, ölkənin hakimiyyət orqanları 21 internet saytını, o cümlədən Qətərin populyar “Əl-Cəzirə” peyk telekanalının saytını bloklayıblar.

KİV-lərdə yayılan məlumata görə, bu saytların bağlanmasına səbəb onların terrorizmi və ekstremizmi dəstəkləyən kontenti, həmçinin açıq-aşkar yalan informasiya dərc etmələridir.

Maraqlıdır ki, “Əl-Cəzirə”nin Qahirədəki bürosu hələ 2013-cü ildə bağlanıb. Bu telekanalın Misirdən yayımlanması da dayandırılıb. Lakin “Əl-Cəzirə” peyklər və internet vasitəsi ilə Misirdə translyasiyanı davam etdirirdi.

KİV-lərin verdiyi məlumata görə, Səudiyyə Ərəbistanının və Birləşmiş Ərəb Əmrliklərinin hakimiyyət orqanları da “Əl-Cəzirə” telekanalının və Qətərin digər KİV-lərinin saytlarını bloklayıblar.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.