MƏDƏNİYYƏT


Mixail Georqadze: Azərbaycanın bu forumda iştirakı mədəni əlaqələrimizin yüksək səviyyəsinin göstəricisidir

Tbilisi, 8 dekabr, AZƏRTAC

Azərbaycanın mədəniyyət nazirinin Tbilisidə keçirilən “Gürcüstan üçün yol xəritəsi: İnnovasiyalar və inkişaf üçün mədəniyyət və yaradıcılıq yolları” adlı forumda iştirakı strateji tərəfdaş olan ölkələrimiz arasındakı əlaqələrin yüksək səviyyəsinin göstəricisidir.

Bu sözləri jurnalistlərə müsahibəsində Gürcüstanın mədəniyyət və abidələrin mühafizəsi naziri Mixail Georqadze söyləyib.

Nazir deyib ki, bu forumda yaradıcı sənayenin inkişaf perspektivləri əsas müzakirə mövzusu olub. Kreativ ideyalar, yaradıcı sənaye, mədəniyyətin şaxələndirilməsi sosial-iqtisadi əlaqələrin, turizmin inkişafında mühüm rol oynayır. Azərbaycanda yaradıcı sənayenin inkişafına böyük əhəmiyyət verilir. Bu forumda azərbaycanlı həmkarımla fikir mübadiləsi aparmaq, Azərbaycanın təcrübəsini öyrənmək bizim üçün vacibdir.

“Azərbaycan da bu sahədə xeyli uğurlar əldə edib. Forumda, eləcə də ikitərəfli görüşlərdə biz bu və digər məsələləri müzakirə etdik”, - deyə, M.Georqadze vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.