DÜNYA


Mofak Ruba: Səddam edama aparılarkən belə peşman olmadı

A+ A

Bakı, 14 sentyabr, AZƏRTAC

İraqın keçmiş Milli Təhlükəsizlik müşaviri Mofak Ruba, 10 il əvvəl Səddam Hüseynin edama aparılarkən heç bir peşmançılıq duymadığını bildirib.

Anadolu agentliyinin məlumatına görə, Ruba açıqlamasında Səddam Hüseynin 2006-cı ilin Qurban bayramı ərəfəsində edam edildiyini xatırladaraq deyib: “Səddamın edamı, onun Amerika qüvvələri tərəfindən İraq hökumətinə təhvil verilməsindən sonra baş verdi. İraq rəsmiləri edam qərarını dərhal həyata keçirdilər. Bu da çoxlarında heyrət doğurdu”.

“Səddamı qapıda qarşıladım. Bizimlə bərabər içəri heç kim girmədi. Pencək və ağ köynək geyən Səddam çox normal idı, təşvişə düşməmişdi və üzündə heç bir qorxu əlaməti hiss olunmurdu. Səddamı edam qərarının oxunması üçün hakimin otağına apardım. Qərarı eşidəndə "Amerikaya ölüm", "İsrailə ölüm", "Farsı mecusilərə ölüm" və "Yaşasın Fələstin" şüarlarını səsləndirdi”, - deyə Mofak Ruba bildirib.

Səddamın edam edilməsini səhv addım adlandıran Ruba bildirib ki, o, ayaqları bir-birinə bağlı olduğundan edam kürsüsünə qalxmaqda çətinlik çəkirdi. Bu halda onu mən və yanımdakılar yuxarı qaldırmaq məcburiyyətində qaldıq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.