SİYASƏT


Moldovada Ermənistan səfirliyi qarşısında etiraz aksiyası keçirilib

Bakı, 11 iyul, AZƏRTAC

İyulun 11-də Moldova Azərbaycanlıları Konqresi və Konqresin Gənclər təşkilatının nümayəndələri Kişinyov şəhərinin mərkəzində, həmçinin Ermənistanın Moldovadakı səfirliyinin qarşısında aksiya keçiriblər.

Diasporla İş üzrə Dövlət Komitəsindən AZƏRTAC-a verilən məlumata görə, Moldovada yaşayan türk və qaqauz ictimai təşkilatlarının nümayəndələrinin də qatıldığı aksiya Ermənistan silahlı qüvvələrinin Azərbaycanın dinc sakinlərinə qarşı törətdikləri vəhşiliklərə etiraz məqsədilə təşkil edilib.

Aksiyada Ermənistan ordusunun işğalçı siyasətini nümayiş etdirən plakat və banerlərdən istifadə olunub. İştirakçılar Ermənistan səfirliyinin binası qarşısında, iyulun 4-də Ermənistan silahlı qüvvələrinin Azərbaycanın Füzuli rayonunun Alxanlı kəndini atəşə tutması nəticəsində həlak olan 2 yaşlı körpə Zəhra Quliyevanın və onun nənəsi Sahibə Allahverdiyeva şəkillərini nümayiş etdiriblər. Eyni zamanda, Ermənistanın işğalçılıq siyasətini pisləyən şüarlar səsləndiriblər.

Etiraz aksiyasında çıxış edənlər Azərbaycan torpaqlarının işğaldan azad olunmasını, beynəlxalq ictimaiyyətin Ermənistanın təcavüzkar siyasətinə son qoyulması üçün qəti tədbirlər görməsini tələb ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.