DÜNYA


Moldovada yeni baş prokuror təyin edilib

Kişineu, 8 dekabr, AZƏRTAC

Dekabrın 8-də Moldova Prezidenti Nikolaye Timofti Eduard Xarunjenanın ölkənin baş prokuroru vəzifəsinə təyin edilməsi haqqında fərman imzalayıb.

AZƏRTAC MOLDPRES-ə istinadla xəbər verir ki, Moldova Prezidenti Aparatının baş katibi İon Pedurarunun sözlərinə görə, yeni baş prokuror dekabrın 8-də Moldova Prezidenti və Prokurorların Ali Şurasının (PAŞ) üzvləri qarşısında and içib.

Eduard Xarunjena 1972-ci il mayın 19-da Yedinets rayonunun Kupçin şəhərində anadan olub. 1994-1996-ci illərdə Kişineu Prokurorluğunda şöbə prokuroru, 1996-cı ildən 2005-ci ilə qədər Daxili İşlər Nazirliyində şöbə rəisinin müavini vəzifələrində çalışıb. 2011-2013-cü illərdə Baş Prokurorluğun xüsusi işlər üzrə prokuroru olub, sonra korrupsiyaya qarşı mübarizə üzrə prokuror və baş prokurorun müavini vəzifələrini tutub. Bu ilin martından baş prokurorun vəzifələrini icra edib.

Prokurorluq haqqında yeni qanuna əsasən, baş prokuror bu vəzifəyə PAŞ-ın təklifi ilə Prezident tərəfindən yeddi il müddətinə təyin edilir. Qanuna görə, o, bu vəzifəyə yalnız bir dəfə təyin edilə bilər.

Zeynal Ağazadə

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.