İDMAN
Moldovalı məşqçi ukraynalı idmançının tennis üzrə Avropa çempionu olmasına kömək edib
Kişineu, 20 iyul, AZƏRTAC
Moldovalı məşqçi Anatoli Stativka 14 yaşınadək qızlar arasında tennis üzrə Avropa komanda çempionatının qalibi olmuş kiyevli Marta Kostyukla iki həftə məşq edib.
AZƏRTAC “infotag.md” portalına istinadla xəbər verir ki, turnir iyul ayında İtaliyanın Loano şəhərində keçirilib. Ukraynalı tennisçi öz komanda yoldaşı Darya Sniqurla növbə ilə rusiyalı, finalda isə çexiyalı cütlüyə qalib gəliblər.
A.Stativka oktyabr ayında da yeniyetmə çempionu hazırlamağa dəvət edilib. O, Moldovanın Əməkdar Məşqçisi, “Devis Kuboku” turnirində Moldova yığma komandasının ümumi fiziki hazırlıq üzrə hamisidir. A.Stativka uzun illərdir aparıcı tennisçilərə və idmanın digər növlərinin təmsilçilərinə fiziki keyfiyyətlərini inkişaf etdirməkdə və peşəkar karyeranın yeni səviyyəsinə yüksəlməkdə kömək edir. Moldovanın ən yaxşı tennisçisi Radu Albot onun yetirmələrindəndir.
Zeynal Ağazadə
AZƏRTAC-ın xüsusi müxbiri
Kişineu