ELM VƏ TEXNOLOGİYA


Molekulyar Biologiya və Biotexnologiyalar İnstitutunda italiyalı alimin məruzəsi dinlənilib

A+ A

Bakı, 27 oktyabr, AZƏRTAC

Azərbaycan Milli Elmlər Akademiyasının (AMEA) Molekulyar Biologiya və Biotexnologiyalar İnstitutunda elmi seminar keçirilib.

AMEA-dan AZƏRTAC-a bildiriblər ki, tədbirdə İtaliyanın Milli Tədqiqatlar Şurası Dayanıqlı Bitki Mühafizəsi İnstitutunun (İPSP) əməkdaşı Bianca Elena Masertinin “Omiks yanaşmalar tətbiq etməklə bitkilərin abiotik və biotik streslərə cavab reaksiyalarının aydınlaşdırılması” mövzusunda məruzəsi dinlənilib.

Məruzəçi qeyd edib ki, İPSP-nin əsas fəaliyyət istiqaməti kənd təsərrüfatında və meşəçilikdə istifadə olunan bitkiləri xəstəlikdən qorumaq məqsədilə onların biotik və abiotik streslərə cavab reaksiyalarının öyrənilməsidir.

Sonra mövzu ətrafında geniş müzakirələr aparılıb, suallar cavablandırılıb.

İnstitutun direktoru, akademik İradə Hüseynova omiks yanaşmalar tətbiq etməklə bitkilərin abiotik və biotik streslərə cavab reaksiyalarının aydınlaşdırılması istiqamətində aparılan tədqiqatların əhəmiyyətindən danışıb, bu tədqiqatların xüsusi aktuallıq daşıdığını bildirib.

Daha sonra qonaq institutun laboratoriyalarında aparılan tədqiqatlar və əldə olunan nəticələrlə tanış olub. Akademik İ.Hüseynova qonağa rəhbərlik etdiyi müəssisənin yaranma tarixi və fəaliyyət istiqamətlərindən, institutun əsasını qoyan akademik Cəlal Əliyevin bu elmi müəssisənin və ümumilikdə Azərbaycan elminin inkişafında göstərdiyi misilsiz xidmətlərdən danışıb. Diqqətə çatdırılıb ki, institutun tərkibində yeni proteomiks laboratoriyası yaradılıb və bu istiqamətdə kadr hazırlığına başlanılıb.

İtaliyalı alim elmi müəssisələr arasında əlaqələrin yaradılmasının və birgə elmi-tədqiqat işlərinin aparılmasının zəruriliyini vurğulayıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.