SİYASƏT


Moskvada MDB-nin Müdafiə Nazirləri Şurasının iclası keçirilib

A+ A

Moskva, 30 noyabr, AZƏRTAC

Noyabrın 30-da Moskvada MDB ölkələrinin Müdafiə Nazirləri Şurasının (MNŞ) 71-ci iclası keçirilib.

Tədbirdə Azərbaycanın müdafiə naziri, general-polkovnik Zakir Həsənov iştirak edib. MDB İcraiyyə Komitəsinin, MDB-nin iştirakçısı olan ölkələrin Müdafiə Nazirləri Şurası Katibliyinin, MDB Antiterror Mərkəzinin və MDB Sərhəd Qoşunları Komandanları Şurasının Əlaqələndirmə Xidmətinin nümayəndələri də iclasa qatılıblar.

Müdafiə Nazirləri Şurası MDB silahlı qüvvələrinin 2017-ci il üçün birgə tədbirlər planını təsdiq edib, 2016-cı ildə Beynəlxalq Ordu Oyunlarında MDB silahlı qüvvələrinin komandalarının iştirakı məsələsini nəzərdən keçirib və 2020-ci ilə qədər MDB silahlı qüvvələrində hərbi-tətbiqi idman növlərinin inkişafı yollarını müəyyənləşdirib.

Birlik ölkələrinin müdafiə nazirləri dövlət sirrinin mühafizəsi xidmətlərinin inkişafını, radiasiya, kimyəvi və bioloji vəziyyətin qiymətləndirilməsi və ona nəzarət sahəsində qarşılıqlı əməkdaşlığı, gizli məlumatları məxfiləşdirən “Parol” avadanlığından təkrar istifadə qaydasını bəyəniblər, habelə 2015-ci il ərzində MDB ölkələri silahlı qüvvələri aviasiyasının uçuşlarının təhlükəsizlik vəziyyətini təhlil ediblər.

MDB-nin hava hücumundan birləşmiş müdafiə sisteminin gələcək inkişafı çərçivəsində bu sistemin fəaliyyətinin, habelə Birlik ölkələrinin hava hücumundan müdafiə hissələrinin və bölmələrinin birgə təlimlərinin təşkilinin maliyyə təminatı məsələləri bəyənilib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.