CƏMİYYƏT


Müasir dilçiliyin aktual problemləri müzakirə olunacaq

A+ A

Bakı, 5 iyul, AZƏRTAC

Noyabrın 24-25-də Sumqayıt Dövlət Universitetində (SDU) “Müasir dilçiliyin aktual problemləri” mövzusunda beynəlxalq konfrans keçiriləcək.

Azərbaycan Milli Elmlər Akademiyasından (AMEA) AZƏRTAC-a bildiriblər ki, SDU-nun və akademiyanın Nəsimi adına Dilçilik İnstitutunun birgə təşkilatçılığı ilə keçirilən tədbirdə iştirak etmək istəyənlər məruzələrinin tezislərini noyabrın 10-dək konfransın təşkilat komitəsinə göndərməlidirlər.

Konfransın işi “Ədəbi dil və dil normaları qloballaşma şəraitində: mövcud vəziyyət və problemlər”, “Türkologiya, kütləvi informasiya vasitələrinin dili”, “Müqayisəli dilçilik: dillərin linqvodidaktik təsviri”, “Üslubiyyat və semantika”, “Tərcüməşünaslıq: nəzəriyyə və təcrübə”, “Multikulturalizm və dil” mövzularında bölmələr üzrə təşkil olunacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.