MƏDƏNİYYƏT


“Muğam axşamları” layihəsinin növbəti təqdimatında “Bayatı-Şiraz” dəstgahı səslənib

Bakı, 29 iyun, AZƏRTAC

Beynəlxalq Muğam Mərkəzində “Muğam axşamları” layihəsi çərçivəsində “Bayatı-Şiraz” muğam dəstgahı səslənib.

AZƏRTAC xəbər verir ki, “Bayatı-Şiraz”ın müxtəlif şöbə və guşələri xanəndələr - Murad Kəngərli, Ramiq Bayramov, Nisbət Sədrayevanın ifasında dinlənilib. Onları xalq çalğı alətləri ansamblı (tarda- Kamal Nuriyev, kamançada - Elnur Salahov, bas tarda- Kamran Novruzov, qanunda Aysu Sadıqova, nağarada- Amil Mustafayev, balabanda - Mirağa Murtuzov) müşayiət edib.

Xanəndələrin ifa etdiyi “Baytı-Şiraz” muğamı tamaşaçılar tərəfindən böyük maraqla qarşılanıb.

Bildirilib ki, “Bayatı-Şiraz” muğamı yeddi əsas muğam dəstgahından biridir. Bu muğam dəstgahı bəstəkar Nəriman Məmmədov tərəfindən tarzən Əhməd Bakıxanovun ifasında nota alınıb.

Qeyd edək ki, “Muğam axşamları” layihəsinə mayın 6-dan “Rast” muğamının ifası ilə start verilib. İyunun 30-da “Muğam axşamları” layihəsi çərçivəsində “Şüştər” və “Humayun” muğamları səslənəcək.

Biletləri şəhərin kassalarından, “ASAN xidmət” mərkəzindən və iticket.az saytından əldə etmək olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.