CƏMİYYƏT


Müntəzəm velosipedlə gəzinti vaxtsız ölüm riskini azaldır

Bakı, 21 aprel, AZƏRTAC

Velosiped sürmək uzun ömür şansını artırır. AZƏRTAC “Komsomolskaya pravda” nəşrinə istinadla xəbər verir ki, Qlazqo Universitetinin alimləri tədqiqatlar nəticəsində bu qənaətə gəliblər.

Hər gün velosiped sürmək, məsələn, işə və evə velosipedlə getmək vaxtsız ölüm riskini 40 faiz, xərçəngə tutulmaq ehtimalını 45 faiz, habelə ürək-damar xəstəliklərinin inkişaf riskini 50 faiz azaldır. Böyük Britaniyanın Qlazqo Universitetinin alimləri 250 mindən çox orta yaşlı insanın sağlamlıq durumunu beş il ərzində müşahidə ediblər. Məlum olub ki, velosiped sürmək həm kişilərin, həm də qadınların sağlamlıq durumuna yaxşı təsir göstərir.

Alimlər yerimənin də faydalı olduğunu bildirirlər, amma velosiped qədər deyil. Onlar orta yaşlı adamlara fiziki baxımdan fəal olmağı məsləhət görürlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.