CƏMİYYƏT


Muzdlu işçisi olmayan fiziki şəxslər sosial sığorta üzrə hesabat verməyəcək

Bakı, 24 yanvar, AZƏRTAC

Muzdlu işçisi olmayan fiziki şəxslərin hesabat verməkdən azad olunmasının mövcud qanunvericilikdə öz əksini tapması üçün hazırda “Sosial sığorta haqqında” Qanuna dəyişikliklər hazırlanır.

AZƏRTAC xəbər verir ki, bunu əmək və əhalinin sosial müdafiəsi naziri Səlim Müslümov mətbuat konfransında bildirib. Nazir deyib: “Biz bu məsələdə ona görə gecikdik ki, əsas diqqətimizi fərdi uçot üzrə olan hesabatla sosial sığorta üzrə olan hesabatın birləşdirilməsi məsələsinə yönəltdik. Bu proses baş verdi və bu il artıq 2016-cı il üçün hesabatlar birləşdirilmiş qaydada, vahid hesabatla elektron şəkildə təqdim olunacaq. Bundan sonra biz növbəti addım kimi həmin fiziki şəxslərin hesabat vermək öhdəliyini ortadan qaldıracağıq. Hazırda bunun üzərində iş gedir və mən belə düşünürəm ki, yaxın zamanlarda biz bu prosesə son qoyacağıq”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.