DÜNYA


Myanmada radarlardan itən təyyarənin parçaları dənizdə aşkarlanıb

Bakı, 7 iyun, AZƏRTAC

Bu gün Myanmada radarlardan itən hərbi təyyarənin parçaları Andaman dənizində aşkarlanıb.

AZƏRTAC xəbər verir ki, France Press agentliyinin hakimiyyət orqanlarına istinadla verdiyi məlumata görə, xilasedicilər təyyarənin qırıntılarını Tavoy şəhərindən 218 kilometr aralıda aşkarlayıblar. Hazırda axtarış-xilasetmə əməliyyatlarının davam etdiyi bildirilir.

Xatırladaq ki, göyərtəsində hərbçi ailələrinin üzvlərindən ibarət 106 sərnişinin və 11 ekipaj üzvünün olduğu təyyarə Myanmanın cənub sahilində yerləşən Mıey şəhərindən Yanqona uçurdu. Təyyarə ilə əlaqə yerli vaxtla saat 13:35-də kəsilmişdi.

Axtarış-xilasetmə əməliyyatlarına dəniz gəmiləri və aviasiya da cəlb edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.