DÜNYA


Myanmada təyyarə qəzasında həlak olan 10 nəfərin cəsədi aşkarlanıb

Bakı, 8 iyun, AZƏRTAC

İyunun 7-də Myanmanın Hərbi Hava Qüvvələrinə məxsus təyyarənin Andaman dənizində qəzaya uğraması nəticəsində həlak olan 10 nəfərin cəsədi axtarış-xilasetmə əməliyyatı zamanı aşkarlanıb.

AZƏRTAC Reuters informasiya agentliyinə istinadla xəbər verir ki, hərbçilərin ailələrini Myanmanın cənubunda yerləşən Mıey şəhərindən Yanqona aparan Y-8 tipli dörd mühərrikli hərbi-nəqliyyat təyyarəsi yerli vaxtla günorta saatlarında Andaman dənizi üzərindən keçən zaman radarlardan itib. Elə həmin gün qəzanın baş verdiyi ərazidə aparılan axtarış-xilasetmə əməliyyatı nəticəsində təyyarənin qalıqları və 3 cəsəd aşkar edilib.

Qeyd edək ki, təyyarənin göyərtəsində 122 nəfər, o cümlədən 14 ekipaj üzvü, 35 hərbçi və 73 nəfər mülki şəxs olub. Həmçinin təyyarə 2,4 ton yük daşıyırmış.

Myanma hərbçilərinin məlumatına görə, təyyarə 2016-cı ildə Çin Xalq Respublikasından alınmışdı. Qəza baş verən gün meteoroloji vəziyyət mürəkkəb deyildi: xəfif yağış yağsa da, görmə məsafəsi yetərli idi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.