DÜNYA


Myanmada təyyarə qəzasında həyatını itirmiş 62 nəfərin cəsədi aşkarlanıb

Bakı, 12 iyun, AZƏRTAC

Myanmada xilasedicilər hərbi təyyarənin qəzaya uğraması nəticəsində həyatını itirmiş 62 nəfərin cəsədini aşkarlayıblar.

AZƏRTAC Reuters informasiya agentliyinə istinadla xəbər verir ki, aşkarlanan cəsədlərin 9-u azyaşlı uşaqlara aiddir. Həlak olanların bir hissəsinin ötən həftə kremasiya edildiyi bildirilir. “Təyyarə ölkə ərazisində qəzaya uğradığı və bəzi sübutlar tapıldığı üçün onun aşkar edilməsi gözlənilir”, - deyə Myanmanın ali baş komandanı Min Aung Hlaing bildirib.

Xatırladaq ki, hərbçilərin ailələrini Myanmanın cənubunda yerləşən Mıey şəhərindən Yanqona aparan Y-8 tipli dörd mühərrikli hərbi-nəqliyyat təyyarəsi iyunun 7-də Andaman dənizi üzərindən uçarkən radarlardan itmişdi. Elə həmin gün qəzanın baş verdiyi ərazidə aparılan axtarış-xilasetmə əməliyyatı nəticəsində təyyarənin bəzi parçaları aşkar edilmişdi.

Qəzaya uğradığı vaxt təyyarənin göyərtəsində 122 nəfər, o cümlədən 14 ekipaj üzvü, 35 hərbçi və 73 nəfər mülki şəxs olub. Qazanın başvermə səbəbləri hələlik məlum deyil.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.