SİYASƏT


NATO PA-nın yaz sessiyasında müdafiə və təhlükəsizlik məsələləri diqqət mərkəzində olacaq

Tbilisi, 25 may, AZƏRTAC

NATO Parlament Assambleyasının mayın 26-da Tbilisidə keçiriləcək yaz sessiyasında müdafiə və təhlükəsizlik məsələləri diqqət mərkəzində olacaq.

Bu barədə Gürcüstan parlamentinin NATO PA-dakı nümayəndə heyətinin rəhbəri İrakli Sesiaşvili mayın 25-də keçirdiyi brifinqdə məlumat verib.

O qeyd edib ki, dörd gün davam edəcək sessiyada demokratik inkişaf, enerji məsələləri, beynəlxalq əməkdaşlıq, dünyada gedən proseslər, terrora və separatizmə qarşı birgə mübarizə və s. məsələlər müzakirə ediləcək. Sessiyanın sonunda müvafiq bəyannamənin qəbul olunacağı gözlənilir.

İ.Sesisaşvili bildirib ki, NATO PA-nın yaz sessiyasına 600 nümayəndə, o cümlədən quruma üzv 28 ölkənin, üzv olmayan 20 ölkənin parlament nümayəndə heyətləri, assosiativ üzvlər və digər qonaqlar iştirak edəcəklər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.