DÜNYA


NHK telekanalı: Rusiya Prezidenti Yaponiya ilə ərazi mübahisəsini həll etmək niyyətindədir

Tokio, 10 iyul, AZƏRTAC 

Rusiya Prezidenti Vladimir Putin Yaponiyanın keçmiş Baş naziri Yoşiro Moriyə bildirib ki, o, Yaponiya ilə ərazi mübahisəsini həll etməyi çox arzulayır.

NHK telekanalının yaydığı məlumata görə, iyulun 9-da Rusiyanın Yekaterinburq şəhərində Beynəlxalq Sənaye Sərgisindən sonra, axşam yeməyi zamanı V.Putin və Y.Mori müxtəlif məsələləri müzakirə ediblər.

Görüşdən sonra Y.Mori jurnalistlərə bildirib ki, o, V.Putindən Rusiyanın nəzarəti altında olan mübahisəli adalarla bağlı məsələnin həllinin və sülh müqaviləsinin imzlanmasının sürətləndirilməsini xahiş edib.

Y.Mori əlavə edib ki, Rusiya Prezidenti Yaponiyanın Baş naziri Ş.Abeni səmimi insan kimi xarakterizə edib və onunla birlikdə iki ölkə arasında müxtəlif məsələlərin həllinin mümkün olduğunu deyib.

Eyni zamanda, V.Putin bildirib ki, adaların keçmiş yapon sakinlərinin sentyabr ayında həmin əraziləri hava nəqliyyatı ilə ziyarət edə bilməsi üçün ondan asılı olan hər bir şeyi edəcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.