CƏMİYYƏT


Nadir genetik xəstəliyi olan pasiyent Bakıda uğurla əməliyyat olunub

Bakı, 7 iyul, AZƏRTAC 

Respublika Müalicəvi Diaqnostika Mərkəzinin (RMDM) mütəxəssisləri bir neçə uğurlu əməliyyata imza atıblar. Əməliyyatlardan biri RMDM-ə müraciət edən 23 yaşlı pasiyent üzərində aparılıb. Xəstənin hər iki gözündə torlu qişanın qopması aşkarlanıb. Tanınmış vitreoretinal göz cərrahı, tibb üzrə elmlər doktoru Tural Qəlbinur tərəfindən əməliyyat olunan pasiyentin görmə qabiliyyəti bərpa edilib.

Səhiyyə Nazirliyinin mətbuat xidmətindən AZƏRTAC-a bildiriblər ki, “Von Hippel-Lindau sindromu” nadir görülən genetik xəstəlikdir və adətən 20 yaşdan sonra özünü büruzə verir. Torlu qişa, beyincik, onurğa beyni, böyrəküstü vəzdə hemangioblastomalar inkişaf edir. Torlu qişaya və mərkəzi sinir sisteminə qansızmalar və artmış təzyiq əlamətləri aşkarlanır.

Növbəti əməliyyat RMDM-in həkim-neyrocərrahı Azər Əkbərov tərəfindən aparılıb. Əməliyyat şiddətli boyun ağrıları səbəbi ilə çəkilən MRT-də onurğa beynin önündə yer almış və ciddi ödemə səbəb olan törəmə (hemangioblastoma) aşkarlanmış xəstə üzərində icra olunub.

Hemangioblastomanın onurğa beyninin önündə yer alması olduqca nadir rast gəlinir (1-2 faiz) və əməliyyatı olduqca çətin və risklidir. Dünya ədəbiyyatında çox az sayda bu cür əməliyyat yayınlanıb. Pasiyentə dördüncü və beşinci boyun fəqərələrinin xaric edilməsi, törəmənin mikroskopik çıxarılması, “expandable cage” və plak vida sistemi ilə rekonstruksiya əməliyyatı icra edilib. Əməliyyatdan sonra xəstədə heç bir nevrolojik qüsura rast gəlinməyib. Xəstə beş gündən sonra evə buraxılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.