REGİONLAR


Narkomaniya ilə mübarizə sahəsində maarifləndirici tədbirlər gücləndirilməlidir

A+ A

Zərdab, 2 noyabr, AZƏRTAC

Zərdabda rayon icra hakimiyyətinin, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun təşkilatçılığı, Daxili İşlər, Səhiyyə, Təhsil nazirliklərinin, habelə Ailə, Qadın və Uşaq Problemləri üzrə Dövlət Komitəsi əməkdaşlarının iştirakı ilə təlim-tərbiyə işləri üzrə direktor müavinləri, məktəb psixoloqları və tibb işçiləri üçün təlim-məşğələ toplantısı keçirilib.

AZƏRTAC xəbər verir ki, tədbirdə aidiyyəti qurumların məsul şəxslərinin məruzə və çıxışları dinlənilib. Çıxışlarda narkomanlığın qarşısının alınması ilə bağlı həyata keçirilən tədbirlərə diqqətin artırılmasının, təhsil işçiləri, məktəblilər arasında narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə ardıcıl və məqsədyönlü təbliğatın aparılmasının zəruriliyi qeyd olunub.

Təlim-məşğələdə rayon mərkəzi xəstəxanasının həkimlərinin, məktəb direktorları müavinlərinin, psixoloqların müxtəlif təklifləri müzakirə olunub, suallar cavablandırılıb.

Sonda tədbir iştirakçılarına mövzuya dair disklər və bukletlər paylanılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.