CƏMİYYƏT


Narkotiklərin zərərlərinə dair yeni sosial çarx nümayiş olunur

Bakı, 6 iyun, AZƏRTAC

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupu tərəfindən “Ən doğru seçim-narkotiklərdən heç bir halda istifadə etməməkdir!” adlı yeni sosial çarxın “Metropark” ticarət və əyləncə mərkəzinin bütün monitorlarında nümayişinə başlanılıb.

AZƏRTAC xəbər verir ki, çarxın hazırlanmasında tanınmış incəsənət ustaları yaxından iştirak ediblər.

Sosial çarx narkomanlıqla mübarizə sahəsində profilaktik fəaliyyətin təsirliliyini artırmaq, ictimai maarifləndirmə tədbirlərini gücləndirmək və sağlam həyat tərzini təbliğ etmək məqsədilə yaradılıb.

Çarxda narkotiklərdən istifadə nəticəsində insan orqanizmində tədricən baş verən dəyişikliklər və sonda onun məhvedici təsiri aydın təsvir olunub.

Videoçarx “Ən doğru seçim-narkotiklərdən heç bir halda istifadə etməməkdir” xəbərdaredici məlumat və şüar ilə yekunlaşır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.