MƏDƏNİYYƏT


Nataşa Volodina: “Jara” festivalı yaddaşlarda iz qoyan incəsənət bayramıdır VİDEO

Bakı, 11 avqust, Xəyalə Məmmədova, AZƏRTAC

“Jara” festivalı yaddaşlarda iz qoyan incəsənət bayramıdır.

AZƏRTAC xəbər verir ki, bu fikri iyulun 27-dən 30-dək Bakıda - Xəzərin sahilindəki “Sea Breeze” istirahət mərkəzində keçirilən “Jara-2017” Beynəlxalq Festivalına qatılan rusiyalı bloqqer Nataşa Volodina söyləyib.

Paytaxtımızda qonaq olan bloqqer Bakıdan videoçarx da hazırlayıb. Videoçarxda hər gününün yadda qalan olduğunu vurğulayan Nataşa Volodina Bakı haqqında təəssüratlarının yüksək səviyyədə olduğunu qeyd edir.

Qaldığı oteldən, ticarət mətkəzindən, Dənizkənarı Milli Parkdan və ən əsası “Jara” festivalının təşkilatçılığından ağız dolusu danışan bloqqer yenidən ölkəmizə gəlmək istədiyini bildirir. Gələn il də “Jara”ya dəvət almasını arzuladığını deyən bloqqer bu festivalın möhtəşəmliyi ilə digərlərindən fərqləndiyini vurğulayır.

Nataşa Volodina Heydər Əliyev Beynəlxalq Aeroportunun gözəlliyini xüsusi qeyd edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.