MƏDƏNİYYƏT


“Natiq ritm qrupu” konsert verməyə hazırlaşır

Bakı, 13 iyun, AZƏRTAC

İyunun 26-da “Natiq ritm qrupu” Qəbələdə konsert proqramı ilə çıxış edəcək. Qrupun təqdim edəcəyi xüsusi kompozisiyada qədim çalğı alətlərinin milli rəqslərimiz ilə sintezi əksini tapacaq.

AZƏRTAC xəbər verir ki, bu barədə qrupun rəhbəri, Əməkdar Artist Natiq Şirinov açıqlama verib. Onun sözlərinə görə, konsertdə qrup tərəfindən hazırlanmış “Sarı gəlin”, “Qarabağ”, “Atəşgah”, “Mehriban”, “Bir qəlbdə iki ruh”, “Ritm varsa, həyat var” və digər kompozisiyalar ifa olunacaq.

Bu kompozisiyalar ritm bəstəkarı Natiq Şirinovun muğam üzərində apardığı sintezləri və milli musiqiyə verilən yeni həyat konsepsiyasını əks etdirir. Konsertdə zərb və ritm alətlərindən əlavə, zurna, tütək və digər milli musiqi alətlərimizdən də istifadə olunacaq.

Konsert proqramı “Gilan Hospitality Group” və “Qafqaz” hotellərinin təşkilatçılığı ilə gerçəkləşəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.