SİYASƏT


Naxçıvan Muxtar Respublikası Ali Məclisində görüş

A+ A

Naxçıvan, 11 oktyabr, AZƏRTAC

Oktyabrın 11-də Naxçıvan Muxtar Respublikası Ali Məclisinin Sədri Vasif Talıbov Belarus Respublikasının ölkəmizdəki fövqəladə və səlahiyyətli səfiri Gennadi Axramoviç ilə görüşüb.

Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, Ali Məclisin Sədri səfiri salamlayıb, ölkələrimiz arasında kənd təsərrüfatı, hərbi, səhiyyə, təhsil və digər sahələrdə əlaqələrin inkişaf etdiyini bildirib, səfirliyin bu sahədəki fəaliyyətini diqqətə çatdırıb. Azərbaycan-Belarus ikitərəfli münasibətlərində Naxçıvan Muxtar Respublikasının rolunu qeyd edən Ali Məclisin Sədri əlaqələrin bundan sonra da müxtəlif istiqamətlərdə inkişaf edəcəyinə əminliyini bildirib, səfirə ölkəmizdəki diplomatik fəaliyyətində uğurlar arzulayıb.

Səmimi qəbula görə minnətdarlıq edən Gennadi Axramoviç ölkələrimiz arasındakı dostluq əlaqələrindən danışıb. Səfir Belarus Respublikası ilə Azərbaycanın Naxçıvan Muxtar Respublikası arasındakı ikitərəfli münasibətlərin yaxşı perspektivi olduğunu vurğulayıb, əlaqələrin daha da genişləndirilməsinə çalışacağını qeyd edib.

Söhbət zamanı əlaqələrin hazırkı vəziyyəti və perspektivləri ətrafında fikir mübadiləsi aparılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.