REGİONLAR


Naxçıvanda gənc əsgərlər Vətənə sədaqət andı içiblər

Naxçıvan, 11 may, AZƏRTAC

Əlahiddə Ümumqoşun Orduda gənc əsgərlərin andiçmə mərasimi olub.

AZƏRTAC xəbər verir ki, döyüş bayrağı sıra meydanına gətirildikdən sonra mərasimə hazırlıqla bağlı məruzə edilib.

Azərbaycan Respublikasının Dövlət Himni səsləndirildikdən sonra komandirlərin və valideynlərin şahidliyi ilə gənc əsgərlər Vətənə sədaqət andı içiblər.

Zabitlər, əsgərlər, valideynlər və digər çıxış edənlər hərbi andı qəbul edən əsgərləri təbrik edərək xidmətlərində uğurlar arzulayıblar.

Çıxışların ardından Azərbaycan Respublikası müdafiə nazirinin müavini - Əlahiddə Ümumqoşun Ordu Komandanı, general-leytenant Kərəm Mustafayevin təbriki şəxsi heyətə çatdırılıb.

Sonra tribunanın önündən təntənəli keçid olub.

Gənc əsgərlərin andiçmə mərasimində xüsusi təyinatlı bölmənin nümunəvi çıxışları maraqla və alqışlarla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.