İQTİSADİYYAT


Neft hasilatının azaldılmasına dair sazişin müddəti uzadılacaqmı?

Bakı, 20 aprel, AZƏRTAC

Neft hasilatının azaldılmasını nəzərdə tutan sazişin müddətinin uzadılmasına dair bəzi ölkələrlə ilkin razılıq əldə edilib.

AZƏRTAC “bloomberght.com”a istinadla xəbər verir ki, bunu Səudiyyə Ərəbistanının energetika naziri Xalid əl-Falih deyib. O bildirib ki, ötən üç ay ərzində sazişin iştirakçısı olan ölkələr götürdükləri öhdəliklərə yaxşı əməl ediblər. Lakin hələlik nəzərdə tutulan hədəfə yetişmək mümkün olmayıb. Qarşıda daha vacib mərhələ var.

OPEC-in baş katibi Məhəmməd Barkindo isə ötən gün deyib ki, kartel neft hasilatının azaldılmasını nəzərdə tutan sazişin müddətinin uzadılıb-uzadılmaması barədə qərarını mayın 25-də verəcək.

Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Saziş bu ilin birinci yarısı üçün bağlanıb və onun müddətinin uzadılması imkanı nəzərdə tutulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.