İDMAN


“Neftçi İdman Klubu”nun karateçiləri “Mərmərə kuboku” beynəlxalq turnirində iki medal qazanıblar

A+ A

Bakı, 24 noyabr, AZƏRTAC 

Türkiyədə keçirilən karate üzrə “Mərmərə kuboku” beynəlxalq turnirinə yekun vurulub.

AZƏRTAC xəbər verir ki, 20 ölkədən 1400 karateçinin qatıldığı yarışda ölkəmizi "Neftçi İdman Klubu”nun yetirmələri təmsil ediblər.

Üç gün davam edən turnirdə klubumuzun beş karateçisi qalib adı uğrunda yarışıb. İdmançılarımızdan ikisi mükafatçılar arasında yer almağa müvəffəq olub. Onlardan 50 kiloqram çəki dərəcəsində mübarizə aparan Səmral Fərəcov kumite yarışlarında bütün rəqiblərini məğlub edib və “Mərmərə kuboku”nun qalibi adını qazanıb. Eyni növdə çıxış edən Səid Əliyev (40 kq) isə turnirin bürünc medalına sahib olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.