DÜNYA


Niderlandda koalisiya formalaşdırılması haqqında danışıqlar iflasa uğrayıb

Bakı, 16 may, AZƏRTAC

Niderlandda hakim koalisiyanın formalaşdırılmasına dair danışıqlar uğursuzluqla nəticələnib.

AZƏRTAC xəbər verir ki, Politico nəşrinin yaydığı məlumata görə, danışıqlarda iştirak edən dörd partiya miqrasiya siyasətində razılığa gələ bilməyib. Bunu koalisiyanın formalaşdırılması üzrə danışıqlara məsul olan Edit Sxippers bildirib. Onun sözlərinə görə, mövcud fikir ayrılığı çox dərin olub.

Niderlandın Baş naziri Mark Ryutte öz növbəsində danışıqların iflasını “kədərli” sonluq adlandırıb. Eyni zamanda, “Azadlıq partiyası”nın lideri Gerd Vilders bunu “yaxşı xəbər” kimi dəyərləndirərək qeyd edib ki, onun partiyası hakim blokun yaradılmasına qoşulmağa hazırdır.

Xatırladaq ki, mart ayında Niderlandda keçirilən parlament seçkilərində Mark Ryuttenin partiyası qalib gəlib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.