DÜNYA


Nigeriyada neft obyektlərinə hücumlar 3 milyard dollarlıq zərərə səbəb olub

A+ A

Bakı, 19 dekabr, Nihad Budaqov, AZƏRTAC 

Nigeriyadakı neft boru kəmərləri və obyektlərinə təşkil edilən hücumlar 3 milyard dollarlıq zərərə səbəb olub.

AZƏRTAC xəbər verir ki, bu barədə Nigeriya Milli Neft Şirkətinin (NNPC) baş direktoru Maikanti Baru deyib.

O bildirib ki, Nigeriyanın cənub-qərbindəki Niger deltası bölgəsində bu il təkcə Nigeriya Milli Neft Şirkətinin boru kəmərlərinə 59 hücum təşkil edilib.

Nigeriyalıları milli sərvətlərini qorumağa dəvət edən M.Baru deyib: “Silahlı qrupların Niger deltası bölgəsindəki hücumları dövlət büdcəsini 3 milyard dollar zərərə uğradıb. Təhlükəsizliyi təmin edərək milli sərvətlərimizi qoruyub saxlamadan vətəndaşlarımız naminə bir irəliləyiş əldə edə bilməyəcəyik”.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.