MƏDƏNİYYƏT
Nizami Kino Mərkəzində yeni filmlərin premyeraları davam edir VİDEO
Bakı, 25 avqust, AZƏRTAC
Nizami Kino Mərkəzində ABŞ-ın istehsalı olan "Fantastik dördlük", Almaniya, Belçika, Lüksemburq və İrlandiyanın "Vay... Nuh getdi!" və Türkiyənin "Deccal" filmlərinin nümayişinə başlanılıb.
Mərkəzin mətbuat xidmətindən AZƏRTAC-a bildirilib ki, Coşua Trankın ekranlaşdırdığı "Fantastik dördlük" filmi fantastika, döyüş, və macara janrındadır.
Filmdə rolları Maylz Teller, Maykl B. Cordan, Keyt Mara, Ceymi Bell, Tobi Kebbel, Req E.Keti, Tim Bleyk Nelson, Coşua Montes, Den Kastellaneta, Ouen Cac və digər aktyorlar oynayıb.
Rejissorlar Tobi Qenkel və Şon MakKormakın çəkdikləri "Vay... Nuh getdi!" cizgi filmi komediya və macara janrındadır.
Rollarda Dermot Meqennis, Kallum Maloni, Tara Flinn, Ava Konnolli, Pol Taylak, Alan Stenford, Eylin Miten, Karla Beker, Fransiska Freide, Patrik Fitssimons və başqaları çəkiliblər.
AF Media şirkəti növbəti qorxu və dəhşət janrında çəkilmiş "Dəccal" filmini təqdim edir. Kinolentin rejissoru Özgür Bakar, ssenari müəllifləri Alper Kıvılcım və Özgür Bakardır.
Rolları Öznur Serçeler, Bulut Köpük, Duygu Paracıkoğlu, Sait Genay, Aysan Sümercan, Beril Atahan, Aykut Engin, Mahmut Göde və başqaları canlandırıblar.