CƏMİYYƏT


Nizami rayonunda 2016-cı ilin yekunları müzakirə olunub

A+ A

Bakı, 9 fevral, AZƏRTAC

Fevralın 9-da Nizami Rayon İcra Hakimiyyətində 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan hesabat yığıncağı keçirilib.

Rayon icra hakimiyyətindən AZƏRTAC-a bildiriblər ki, tədbirdə Azərbaycan Respublikası Prezidenti Administrasiyasının məsul işçisi Tağı Tağıyev, Milli Məclisin deputatları Sədaqət Vəliyeva, Flora Qasımova, Rasim Musabəyov, Rüfət Quliyev və digərləri iştirak ediblər.

Əvvəlcə tədbir iştirakçıları ümummilli lider Heydər Əliyevin icra hakimiyyətinin binasının foyesindəki büstü önünə gül dəstələri düzüb, Ulu Öndərin əziz xatirəsini yad ediblər.

Rayon icra hakimiyyətinin başçısı Arif Qasımov 2016-cı ildə rayonda görülən işlər barədə məruzə ilə çıxış edib.

A.Qasımov 2016-cı ildə rayon ərazisində fəaliyyət göstərən sənaye müəssisələri tərəfindən 418,4 milyon manatlıq sənaye məhsulu istehsal edildiyini və sənayedə istehsalının 22,8 faizinin qeyri-dövlət müəssisələrinin payına düşdüyünü, istehsal olunmuş 1,6 milyon manatlıq sənaye məhsulunun ixrac olunduğunu, rayon üzrə yerinə yetirilən podrat işlərinin həcminin 2015-ci illə müqayisədə 12,5 faiz çox olmaqla 460,3 milyon manat təşkil etdiyini bildirib. Qeyd edilib ki, bütün maliyyə mənbələri hesabına əsas kapitala 103,2 milyon manat həcmində investisiya yönəldilib, pərakəndə ticarət dövriyyəsi 8,4 faiz artaraq 2 milyard 476 milyon manat, əhaliyə göstərilən pullu xidmətlərin həcmi isə 0,3 faiz artaraq 252,3 milyon manat olub. Rabitə sahəsində 327,4 milyon manat, nəqliyyat sahəsində isə 152,6 milyon manat dəyərində xidmətlər göstərilib.

Sonra Nizami Rayon Enerji təchizatı və satışı idarəsinin şöbə rəisi İmran Məmmədov ötən ildə görülən işlər barədə ətraflı məlumat verib.

Məruzələr ətrafında çıxış edən Azərbaycan Respublikası Prezidenti Administrasiyasının məsul işçisi Tağı Tağıyev, Xəzər Universitetinin rektoru, professor Hamlet İsaxanlı, Milli Məclisin deputatları Sədaqət Vəliyeva, Flora Qasımova, Rasim Musabəyov, Rüfət Quliyev əldə olunan uğurlardan, mövcud problemlərdən və onların aradan qaldırılması yollarından danışıblar. Çıxışlarda 2016-cı ildə Nizami rayonunda görülən işlər qənaətbəxş hesab edilib.

Sonra rayonun ictimai həyatında, mədəni inkişafında və digər sahələrdə yüksək nailiyyətlər qazanan bir qrup şəxs Bakı şəhəri Nizami Rayon İcra Hakimiyyətinin Fəxri fərmanı ilə təltif edilib.

Sonda yığıncaq iştirakçıları adından Prezidenti İlham Əliyevə müraciət qəbul edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.