ELM VƏ TƏHSİL


Növbəti məktəb seminarları Binəqədi, Nərimanov  və Sabunçu rayonları üzrə təşkil edilib

Bakı, 7 iyul, AZƏRTAC

Bakı Şəhəri üzrə Təhsil İdarəsinin (BŞTİ) təşkilatçılığı ilə “Məktəb seminarları: ilin yekunları və perspektivlər” mövzusunda “dəyirmi masa”lar davam edir. Belə ki, “Təhsili dəyərə çevirək” devizi altında reallaşdırılan növbəti tədbirlər Binəqədi, Nərimanov və Sabunçu rayonlarının ümumtəhsil müəssisələri üzrə keçirilib.

BŞTİ-dən AZƏRTAC-a bildiriblər ki, “dəyirmi masa”larda idarənin müdiri Məhəbbət Vəliyeva, bu qurumun müvafiq struktur bölmə rəhbərləri, Təlimə Dəstək Mərkəzinin (TDM) nümayəndələri, məktəb direktorları, təlim-tərbiyə və təşkilati işlər üzrə direktor müavinləri, psixoloqlar, kitabxanaçılar, uşaq birliyi rəhbərləri iştirak ediblər.

Qruplar şəkilində ayrı-ayrılıqda təşkil olunan tədbirlərdə tədrisin təşkili, istedadlı uşaqlarla iş, karyera inkişafı, şagird nailiyyətlərinin izlənilməsi, məktəbdaxili qiymətləndirmə, davamiyyət, şagirdlərin yerdəyişməsi, müəllimlərin peşəkar inkişafı, məktəbdənkənar fəaliyyətlərin düzgün planlaşdırılması, 2016-2017-ci tədris ilində tətbiq olunan layihələr, məktəblərin vahid pedaqoji elektron nəşrlərinin hazırlanması, məktəb saytlarının təkmilləşdirilməsi, ictimaiyyətlə əlaqə işinin səmərəliliyinin artırılması və digər mövzular ətrafında müzakirələr aparılıb. Bundan başqa, məktəblərdə metodiki işin, psixoloji xidmətin və məktəb kitabxanalarının fəaliyyətinin təşkili istiqamətində fikir mübadiləsi aparılıb, iştirakçıları maraqlandıran məsələlərə aydınlıq gətirilib.

Məktəb direktorları üçün keçirilən “dəyirmi masa”da çıxış edən M.Vəliyeva 2016-2017-ci tədris ilinin yekunları və növbəti dərs ilində qarşıda duran vəzifələr barədə fikirlərini bildirib, məktəblər tərəfindən İllik Fəaliyyət Planının müstəqil şəkildə hazırlanmasının vacibliyi, şagirdlərin şəxsiyyət kimi formalaşdırılması, onların qiymətləndirilməsi, dərsə davamiyyətin tənzimlənməsi, təlim-tərbiyə prosesinin keyfiyyəti, təhsildə dəyərlər amili, məktəbəhazırlıq qruplarının təşkili barədə danışıb. Həmçinin, müəllimlərin dərs yükü, təmayülləşmə, müəllim-şagird-valideyn münasibətlərinin vəziyyəti, təhsil müəssisələrinin idarəedilməsi işinin təkmilləşdirilməsi, yeni layihələrin icrası, məktəblərin ictimai nüfuzunun artırılması, TDM-in fəaliyyətinin genişləndirilməsi və digər məsələlərə toxunub.

Məktəb direktorları qeyd olunan məsələlərlə bağlı təklif və tövsiyələrini səsləndiriblər.

Sonda müvafiq məsələlər ətrafında müzakirələr aparılıb.

Qeyd edək ki, paytaxtın ümumi təhsil məktəblərini əhatə edən “Məktəb seminarları” layihəsinin həyata keçirilməsinin məqsədi təhsildəki keyfiyyət artımının daha da dayanıqlı olması, “keyfiyyətli təhsil vermək”, “xoşbəxt şagird - keyfiyyətin ən vacib göstəricisi” kimi amilləri əsas götürməklə, səmərəli məktəb ideyasının bir dəyərə, ənənəyə çevrilməsini təmin etməkdir. “Məktəb seminarları” təhsildə uğurlu nəticələr əldə edən məktəblərin nailiyyətlərinin müzakirəsi və idarəetmə istiqamətində mövcud uğurlu təcrübənin bölüşdürülməsi məqsədilə reallaşdırılan tədbirlərin davamıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.