REGİONLAR


Noyabrda “Azərbaycan” İES-də 717,7 milyon kilovat-saatdan çox elektrik enerjisi istehsal edilib

Bakı, 19 dekabr, AZƏRTAC

Noyabr ayında “Azərbaycan” İstilik Elektrik Stansiyasında (İES) 717,7 milyon kilovat-saatdan çox elektrik enerjisi istehsal edilib. Cari ilin 11 ayı ərzində isə stansiyada elektrik enerjisi istehsalı 6 milyard 25,6 milyon kilovat-saatdan artıq olub.

“Azərenerji” ASC-nin ictimaiyyətlə əlaqələr və mətbuat xidmətindən AZƏRTAC-a bildirilib ki, avadanlıqların iş səmərəliliyinin artırılması və istismar səviyyəsinin yüksəldilməsi istiqamətində həyata keçirilmiş məqsədyönlü tədbirlər nəticəsində elektrik enerji istehsalının digər texniki göstəricilərində də yüksək nəticələr əldə edilib. Son üç ay ərzində “Azərbaycan” İES-də 7 saylı enerji blokunun əsaslı təmiri uğurla başa çatdırılıb, 5 saylı enerji bloku təmirə çıxarılıb. Digər enerji blokları isə təftiş edilərək aşkar edilmiş nasazlıqlar aradan qaldırılıb.

Qeyd edək ki, 8 blokdan ibarət, ümumi gücü 2400 MVt olan bu elektrik stansiyasının birinci bloku 1981-ci ildə, sonuncu bloku isə 1990-cı ildə istismara verilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.