İQTİSADİYYAT
Noyabrın 16-da İstanbulda Azərbaycan-Türkiyə-Gürcüstan biznes forumu keçiriləcək
Bakı, 10 noyabr, AZƏRTAC
Üçtərəfli formatda növbəti - V Azərbaycan-Türkiyə-Gürcüstan biznes forumu noyabrın 16-da İstanbulda təşkil ediləcək.
AZƏRTAC xəbər verir ki, Türkiyə Azərbaycanın əsas ticarət və investisiya tərəfdaşlarındandır. Türkiyə tərəfindən Azərbaycana 10,1 milyard dollar, o cümlədən qeyri-neft sektoruna 2,6 milyard dollar, Azərbaycan tərəfindən isə Türkiyə iqtisadiyyatına 7,9 milyard dollar investisiya qoyulub. 2020-ci ilədək Türkiyəyə yatırılacaq investisiyaların həcminin 20 milyard dollara çatdırılması nəzərdə tutulur. Azərbaycanda 2600-dən çox türk şirkəti, Türkiyədə isə 1700-dən artıq Azərbaycan şirkəti fəaliyyət göstərir.