İDMAN


Nüfuzlu ərəbdilli KİV-lər Formula-1 Azərbaycan Qran-Prisini geniş işıqlandırırlar

Abu-Dabi, 25 iyun, AZERTAC

Ərəb dünyasını aparıcı nəşrləri Bakıda keçirilən Formula-1 Azərbaycan Qran-Prisini geniş işıqlandırırlar.

Nəşrlərdə dərc olunan məqalələrdə bildirilir ki, Azərbaycan Formula-1 yarışını artıq ikinci ildir qəbul edir. Dünya şöhrətli pilotların iştirak etdikləri Bakı Qran-Prisi Formula-1 üzrə dünya çempionatının səkkizinci mərhələsidir.

Məqalələrdə turnirin yüksək səviyyədə təşkilindən, startların dünya standartlarına uyğun keçirilməsindən, habelə idmançılar və azarkeşlər üçün hər cür şəraitin yaradılmasından bəhs olunur.

Birləşmiş Ərəb Əmirliklərinin nüfuzlu “Əl-İttihad” qəzetində dərc edilmiş məqalədə bildirilir ki, Azərbaycan bu idman tədbiri sayəsində Bakının gözəlliyini və onun dinamik inkişafını bütün dünyaya nümayiş etdirir.

“Sky News Arabia” telekanalında yayımlanan reportajda xüsusi vurğulanır ki, Formula-1-in Azərbaycan mərhələsi özünəməxsusluğu ilə seçilir. Burada pilotlar qeyri-adi ab-havası olan əsrarəngiz tarixi yerləri əhatə edən bənzərsiz trekdə yarışırlar.

Ərəbdilli KİV-lər Formula-1 Azərbaycan Qran-Prisinin gedişi və turnirdə iştirak edən adlı-sanlı pilotlar barədə də geniş xəbərlər dərc edirlər.

Asya Hacızadə

AZƏRTAC-ın xüsusi müxbiri

Abu Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.