İQTİSADİYYAT


OPEC apreldə gündəlik hasilatı azaldaraq 31,73 milyon barrelə çatdırıb

Bakı, 11 may, AZƏRTAC

OPEC apreldə gündəlik neft hasilatını mart ayı ilə müqayisədə 18,2 min barrel azaldaraq, 31,732 milyon barrelə çatdırıb.

AZƏRTAC təşkilatın məruzəsinə istinadla xəbər verir ki, hasilatın azalması daha çox Birləşmiş Ərəb Əmirlikləri, Liviya, İraq və İranda qeydə alınıb. Anqola və Səudiyyə Ərəbistanında isə hasilat xeyli artıb.

OPEC 2016-cı il 30 noyabr tarixli iclasında gündəlik neft hasilatını oktyabr ayının səviyyəsi ilə müqayisədə 1,254 milyon barrel azaltmaq barədə razılıq əldə edib. Məruzəyə görə, qurumun üzərinə hasilatı azaltmaq öhdəlikləri götürmüş 10 ölkəsi - Əlcəzair, Anqola, Ekvador, Qabon, İraq, Küveyt, Qətər, Səudiyyə Ərəbistanı, BƏƏ və Venesuela aprel ayında gündəlik hasilatı oktyabr ayı ilə müqayisədə 1,347 milyon barrel azaldıb. Beləliklə, OPEC ölkələri saziş üzrə öhdəliklərini 107 faiz yerinə yetiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.