İQTİSADİYYAT


OPEC-lə neft hasilatının “dondurulması” üzrə danışıqlar Rusiyaya 6 milyard dollar qazandırıb

A+ A

Bakı, 19 noyabr, Nihad Budaqov, AZƏRTAC 

Rusiyanın Neft İxrac edən Ölkələr Təşkilatı (OPEC) ilə neft hasilatının “dondurulması” üzrə danışıqlarda iştirak etməsi ölkəyə 400 milyard rubl (6 milyard dollar) qazandırıb.

AZƏRTAC “Bloomberg” agentliyinə istinadla xəbər verir ki, Rusiyanın OPEC-lə neft hasilatının “dondurulmasına” dair görüşlərdə fəal əməkdaşlıq etməsi ölkə büdcəsinə 400 milyard rubl vəsait qazandırıb.

Belə ki, Rusiyanın büdcə gəlirlərinin təxminən 40 faizi neft və qaz gəlirlərindən asılıdır. Neft qiymətinin rekord səviyyədə ucuzlaşması ölkə iqtisadiyyatına mənfi təsir edib və büdcə kəsiri son altı ilin ən yüksək səviyyəsinə çıxıb. OPEC-lə neft hasilatının “dondurulması” üzrə aparılan müzakirələr nəticəsində neftin qiyməti 27 dollar/barreldən 44-45 dollar/barrelə yüksəlib və Rusiyanın büdcə gəlirləri 400 milyard rubl artaraq 700 milyard rubla çatıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.