İQTİSADİYYAT


OPEC+ ölkələri Abu-Dabidə neft hasilatının azaldılması sazişinə əməl olunma faizini artırmağı müzakirə edirlər

Bakı, 8 avqust, AZƏRTAC

Neft İxrac Edən Ölkələr Təşkilatına (OPEC) üzv və kartelə üzv olmayan ölkələr Birləşmiş Ərəb Əmirliklərinin (BƏƏ) paytaxtı Abu-Dabidə neft hasilatının azaldılması üzrə sazişi nəzərdən keçirir.

AZƏRTAC xəbər verir ki, avqustun 7-də başlayan toplantının ikinci günündə OPEC+ ölkələrin nümayəndələri bu il yanvarın 1-dən qüvvədə olan neft hasilatının azaldılması sazişi üzrə öhdəliyə əməl edilmə faizini artırmağın yollarını müzakirə edirlər. Toplantıda Səudiyyə Ərəbistanı, Rusiya, Küveyt və BƏƏ ilə yanaşı, İraq, Qazaxıstan və Malayziyadan olan nümayəndələr iştirak edir.

Qeyd edək ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Neft hasilatının azaldılması üzrə sazişə müvafiq olaraq Azərbaycan iyulda hasilatı sutkada 35 min barrel azaltmaqla bağlı götürdüyü öhdəliyi tam yerinə yetirib. Ölkə üzrə gündəlik neft hasilatı yanvar ayı ərzində 793,9 min barrel, fevralda 776,4 min barrel, martda 733,3 min barrel, apreldə 781,1 min barrel, mayda 785,3 min barrel, iyunda isə 793,7 min barrel olub. Mayın 25-də OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.