MƏDƏNİYYƏT


“Oğlan evi-2”nin çəkilişləri davam edir

A+ A

Bakı, 3 avqust, Ceyhun Alışlı, AZƏRTAC

Ötən ilin ən uğurlu kinokomediya janrında çəkilmiş filmlərindən olan “Oğlan evi” filminin ikinci hissəsinin çəkilişləri davam edir.

AZƏRTAC ekran əsərinin “facebook”dakı səhifəsinə istinadla bildirir ki, bu dəfə də filmin əsas hadisələri birinci hissəsində ən çox yaddaqalan Baba obrazının ətrafında cərəyan edəcək.

Filmdə yeni rol ifaçısı kimi “Bozbash Pictures” serialından tanıdığımız aktyor Nicat Rəhimov və videobloger Hüseyn Əzizoğlunun adları qeyd olunur. Bundan başqa, aktyorlar Elşən Hacıbabayev və Qurban Məsimov da filmdə rol alacaq. Filmin yaradıcı heyəti bu dəfə də ekran əsərinin maraqlı olacağını düşünür.

Qeyd edək ki, çəkilişləri paytaxtda və regionlarda aparılan “Oğlan evi-2” filminin kinoteatrlarda nümayişinin 2016-cı ilin son aylarına planlaşdırıldığı açıqlanıb.

Filmin quruluşçu rejissoru İlham Qasımov, operatoru Nadir Mehdiyevdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.