İDMAN


Oğuzda yeniyetmə və gənclər arasında velosiped idmanı üzrə Azərbaycan birinciliyi başa çatıb

A+ A

Bakı, 4 oktyabr, AZƏRTAC 

Oğuzda yeniyetmə və gənclər arasında çoxgünlük ötüşmələr üzrə Azərbaycan birinciliyi başa çatıb.

AZƏRTAC xəbər verir ki, Azərbaycan Velosiped İdmanı Federasiyası (AzVİF) və Gənclər və İdman Nazirliyi (GİN) ilə birgə təşkil edilən açıq xarakterli yarışda federasiyanın nəzdində fəaliyyət göstərən klub və cəmiyyətlərin 100-ə yaxın idmançısı, həmçinin Gürcüstandan gəlmiş 10 velosipedçi mübarizə aparıb.

Üç gün davam edən yarışın sonuncu günündə 2 yaş kateqoriyasında qaliblər müəyyənləşib. On yeddi yaşadək velosipedçilər arasında 43 kilometrlik sonuncu mərhələni 1 saat, 16 dəqiqə, 13 saniyəyə başa vuran Olimpiya Ehtiyatları İxtisaslaşdırılmış Velosiped Məktəbinin üzvü İvan Orlov bununla da ümumi təsnifatda hamını qabaqlayıb və Azərbaycan çempionu adına sahib olub. Onun komanda yoldaşları Qadir Mustafayev və Əli Qurbanov müvafiq olaraq 2-3-cü yerləri tutublar.

Gənclər arasında “Neftçi” İdman Klubu İctimai Birliyinin velosipedçisi Telman Vəliyev 90 kilometrlik marşrutu 2 saat, 28 dəqiqə, 58 saniyəyə başa vurub. Bu isə ona 3 mərhələnin yekununa əsasən fəxri kürsünün ən yüksək pilləsinə qalxmağa imkan verib. Sonrakı 2 yerdə Gürcüstan velosipedçiləri Vano Kvahazde və Tamati Tsereteli qərarlaşıblar.

Qaliblər AzVİF VƏ GİN tərəfindən medal, diplom və pul mükafatı ilə təltif ediliblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.