İQTİSADİYYAT


Oktyabrda vergi orqanlarına daxil olan 7 min 152 müraciətin 60 faizi müsbət həll edilib

A+ A

Bakı, 27 noyabr, AZƏRTAC

Cari ilin oktyabr ayı ərzində vergi orqanlarına 7 min 152 müraciət daxil olub ki, bu da ötən ilin müvafiq dövrü ilə müqayisədə 30,7 faiz azdır. Müraciətlərdən 92,3 faizi ərizə, 7,6 faizi şikayət, 0,1 faizi isə təklifdir.

Vergilər Nazirliyinin mətbuat xidmətindən AZƏRTAC-a bildirilib ki, onların 36 faizi müxtəlif arayışların alınması, 31,1 faizi kameral vergi yoxlamaları, 6,1 faizi vergi borcları, 2,4 faizi vergidən yayınma və dividendlərin verilməsi, 2 faizi səyyar vergi yoxlamaları, 1,1 faizi vergi qanunvericiliyinin tətbiqi, 1,1 faizi ƏDV, 1 faizi nağd hesablaşmaların aparılması qaydalarının pozulması, 0,7 faizi qəbul, 0,5 faizi işlə təmin edilmək, 0,5 faizi vergi orqanlarının vəzifəli şəxslərinin hərəkəti (hərəkətsizliyi), 0,1 faizi korrupsiya hüquqpozmaları, 0,5 faizi operativ vergi nəzarət tədbirləri, 16,9 faizi isə digər məsələlərlə bağlı olub.

Bütün müraciətlərə vaxtında baxılıb, onların 60 faizi müsbət həll olunub.

Hesabat dövründə vergi orqanlarında ümumilikdə 594 vətəndaş qəbul edilərək, onlara qanunvericilik çərçivəsində lazımi köməklik göstərilib və ya müvafiq izahatlar verilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.