İQTİSADİYYAT


Oktyabrın sonunadək "Nikoyl" bankın nizamnamə kapitalı 184 milyon 500 min manata çatacaq

A+ A

Bakı, 23 sentyabr, AZƏRTAC

Bank sektorunun sağlamlaşdırılması proqramı çərçivəsində Azərbaycan Respublikası Maliyyə Bazarlarına Nəzarət Palatası və "Nikoyl" İnvestisiya-Kommersiya Bankının əsas səhmdarı "Topaz Investment" arasında "Nikoyl" bankın nizamnamə kapitalının 60 milyon manat daxil olmaqla 150 milyon manatadək artırılması haqqında ikitərəfli protokol imzalanıb.

Bankdan AZƏRTAC-a bildiriblər ki, cari il oktyabr ayının sonunadək "Nikoyl" bankın nizamnamə kapitalı 184 milyon 500 min manat təşkil edəcək. Bankın səhmdarları və hüquqi-tənzimləyici orqanlar tərəfindən atılan bu addım Azərbaycanın bank bazarına müsbət təsir edəcək və "Nikoyl" bankın daha da inamlı inkişafı üçün geniş imkan yaradacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.