SİYASƏT


Ombudsmanların XIV Beynəlxalq Konfransının Bakı Bəyannaməsi qəbul olunub VİDEO

Bakı, 17 iyun, AZƏRTAC

İyunun 17-də Bakıda “Dayanıqlı İnkişaf Məqsədlərinin təməl prinsipləri: hüquq bərabərliyi, milli prioritetlər və əməkdaşlıq” mövzusunda Ombudsmanların XIV Beynəlxalq Konfransı başa çatıb.

AZƏRTAC xəbər verir ki, konfransda Bakı Bəyannaməsi qəbul olunub.

Sənəddə dayanıqlı inkişaf strategiyalarının təbliği və tətbiqinə dəstəyin verilməsi, insan hüquqlarının hər hansı əlamətə görə heç bir ayrı-seçkiliyə yol vermədən hərtərəfli təmin olunması məsələsində fəaliyyətin əlaqələndirilməsi məsələləri öz əksini tapır.

Tədbirdə çıxış edən ombudsman Elmira Süleymanova ölkəmizdə insan hüquq və azadlıqlarının təmin olunması istiqamətində görülən işlərdən danışıb. Bildirib ki, Ombudsman təsisatının yaradılması ilə Azərbaycan bütün dünyaya insan hüquqlarına nə qədər böyük əhəmiyyət verdiyini göstərdi.

Ombudsman Aparatının rəhbəri Aydın Səfixanlı Konstitusiya Qanunu ilə müəyyən edilmiş mandata uyğun olaraq insan hüquq və azadlıqlarının müdafiəsi sahəsində ombudsmanın fəaliyyətindən bəhs edib. O, eyni zamanda, ombudsmanın milli insan hüquqları institutu, habelə Milli Preventiv Mexanizm (MPM) vəzifələrini yerinə yetirdiyini bildirib. A.Səfixanlı ombudsmanın MPM qismində müəyyən edilməsindən sonra Milli Preventiv Qrupun (MPQ) yaradıldığını, penitensiar müəssisələrə, müvəqqəti saxlama təcridxanalarına, habelə sosial obyektlərə, ahıllar və əlilliyi olan insanlar üçün internat evlərinə və pansionatlara, psixiatriya xəstəxanalarına müntəzəm olaraq baş çəkildiyini diqqətə çatdırıb.

Sonda Azərbaycanın və Türkiyənin, Azərbaycanın və Rusiyanın Moskva vilayətinin ombudsmanları arasında əməkdaşlıq memorandumları imzalanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.