ELM VƏ TEXNOLOGİYA


On il sonra qəzetlər və onlayn KİV-lər üçün xəbərləri robotlar yazacaq

A+ A

Bakı, 11 avqust, AZƏRTAC

Bəzilərinin arzuladığı, digərlərinin isə qorxduğu süni intellekt hər halda bəşəriyyət üçün müəyyən qədər təhlükəlidir, çünki onun ucbatından insanların bir hissəsi işsiz qalacaq.

AZƏRTAC “planet-today.ru” saytına istinadla xəbər verir ki, “Telecom Daily” ekspertlərinin fikrincə, on il sonra süni intellekt onlayn nəşrlərdə jurnalistləri tam əvəz edəcək. Bundan sonra vəkillər və musiqiçilər işsiz qalacaq.

“Telecom Daily”nin rəhbəri Denis Kuskov deyir: “İndinin özündə “Washington Post” nəşrinin redaksiyasında materialların hazırlanmasında robotların köməyindən fəal istifadə edilir. Söhbət Rio-de-Janeyroda keçirilən Olimpiya Oyunları ilə bağlı xəbərlərin axtarışı məqsədi ilə informasiya məkanını skanerdən keçirən, sonra məlumatları nizamlayan və onları emal edən proqramdan gedir”.

“Washington Post” üçün materiallar tərtib edən robotun fantaziyası yoxdur və bədii cəhətdən olduqca zəif xəbərlər yazır. Amma idman xəbərləri elə qısa və quru olmalıdır. Odur ki, proqram öz vəzifəsinin öhdəsindən bacarıqla gəlir. Üstəlik, insandan fərqli olaraq, süni intellekt yorulmur, maaş tələb etmir və həmişə sabit nəticə verir. Bir sözlə, o, ideal işçidir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.